Қаржылық сауаттылық — адамның жеке қаржысын тиімді басқаруына, негізделген қаржылық шешімдер қабылдауына және болашағын сенімді жоспарлауына көмектесетін білім мен дағдылар жиынтығы. Ол жеке бюджетті жоспарлау, шығындарды бақылау, жинақ қалыптастыру, банктік өнімдерді пайдалану, қаржылық тәуекелдерді бағалау және алаяқтықтан қорғану қабілеттерін қамтиды.
Қазіргі экономика жағдайында қаржылық сауаттылық әрбір адамға қажетті дағдыға айналып отыр. Ол шамадан тыс қарыз жүктемесін болдырмауға, кредиттік өнімдерді сауатты пайдалануға, қаржылық қауіпсіздік қорын қалыптастыруға және ұзақ мерзімді мақсаттарға қол жеткізуге мүмкіндік береді. Қаржылық сауаттылық деңгейі неғұрлым жоғары болса, күтпеген өмірлік жағдайлардың өзінде салмақты шешім қабылдау және қаржылық тұрақтылықты сақтау соғұрлым жеңіл болады.
Қаржылық сауаттылықтың маңызды құрамдас бөліктерінің бірі — сақтандыру саласындағы білім. Сақтандыру күтпеген оқиғалардың қаржылық салдарын азайтуға көмектеседі. Алайда сенімді қорғаныс алу үшін сақтандыру шартының талаптарын түсіну маңызды. Сақтандыру шартын жасамас бұрын сақтандыру жағдайларының тізбесімен, сақтандыру өтеліміне кірмейтін жағдайлармен, сақтандыру сомасының мөлшерімен, франшизамен, шарттың қолданылу мерзімімен және сақтандыру төлемін алу тәртібімен мұқият танысу қажет. Сақтандыру талаптарын мұқият зерделеу ең қолайлы сақтандыру өнімін таңдауға және сақтандыру жағдайы туындаған кезде түсініспеушіліктердің алдын алуға мүмкіндік береді.
Сақтандыру саласындағы қаржылық сауаттылық деңгейін қолданыстағы және әлеуетті сақтанушылардың қаржылық сауаттылығын арттыруға арналған бағдарламамыз арқылы арттыруға болады.
Қаржылық сауаттылық, сақтандыру және басқа да қаржылық мәселелер туралы толығырақ ақпарат алу үшін fingramota.kz сайтына өтіңіз. Бұл порталды Қазақстан Республикасының Қаржы нарығын реттеу және дамыту агенттігі жүзеге асырады. Портал кең ауқымды пайдаланушыларға арналған.
